آخر تحديث:12:19(بيروت)
الإثنين 09/12/2019
share

"الراس" يُطلق "ألنار"

المدن - ميديا | الإثنين 09/12/2019
شارك المقال :
"الراس" يُطلق "ألنار" مازن السيد
أطلق المنتج الموسيقي ومغنّي الراب اللبناني، مازن السيّد، الملقّب بـ"الراس"، أغنية جديدة تحاكي يوميات وتحديات الثورة اللبنانية، وما يواجهه الثوار من محاولات التفرقة والترهيب والقمع.


الأغنية التي حملت عنوان "ألنار"، تحدّث فيها السيّد، عن الأحلام والمخاوف والظلم الذي لحق بالشعب اللبناني، المصرّ على الاستمرار في ثورته، رغم خسارة الشهداء والإهانات التي يتعرض إليها المحتجون من قبل القوى الأمنية، لكن "طول ما الإنسان رخيص بدي سقّط كل رئيس.. حقي الكرامة والعدل غمس خبزتي بحرية"، على ما يقول في ختام الأغنية.



وفي ما يلي كلمات الأغنية كاملة:

 كل الثقة للي كتفه ساند كتفي

كل الثقة وهيدي وحدها ثورة بتكفي

كل الثقة للي كتفها ساند كتفي

لما تجي العصي بعرف مين ح يكون بصفي

شعلة ومتعودين ندوّرها

والموجة بتركض ورا الموجة بدها تطولها

هيدا بحر الثورة

بيكرهوا يشوفونا مختلفين ومجتمعين

قد ما بيكرهوا الأفراح يوم الأحد عالدورة

براسي أحلام عم تفقس

لكتير عناوين عم تأسس

طبعا في أشيا بتنقز

بسمعك مخاوفي بترقص

اخواتنا بصور عراة الصدور قالوله: يا عرصة ولك قوص

وحسين العطار عريس الثوار قله لسارق الخوة: قتلني تضوّي وقتله

خرطش بالقلب وقتله

وطرابلس صرخت وا حسيناه من وجعه

ضوه بساحة النور فذباب طياز الكلاب لازم يحوم

يستحضر الكابوس

بس من جرد النجاص لكامد اللوز

نبتت أرضي تلاميذ بتعطي دروس

المشكل طبقي

والحل مجتمعي

من ظلم الناس عايش كابوس

من نهب الناس سيموت مبعوص

هيلا هيلا هيلا هيلا هو

النار في أحشائكم تقدموا

مين قدي مين قدي ولك مين قدي يسقط العالم طز إخواتي حدي

يسقط العالم طز ما بدنا يحبنا

لو كان فيه خير ما بزقه الطير ما وقف ضدنا

عمية سنة وهو شايف اللي عنّا أخي

عمية سنة وهني كلابه ياللي عنّا أخي

بوفخر صخر لا يكسر

والدم دم ما يبرد

من الفجر صاحي لا أتعب

بنيابي ناطر الموكب

قلناله جلسة ما بتركب

تمثال الذل حردان

قدام الجيش قال عم ننهان

بالموتى شفرة ما بتجرح

هو شرشف وبخشان شبح طائفية

وقفنا ندافع عن البلد مش عالاشرفية

ما في سلاح لحق بيجي برخصة عسكرية

ربوا بمناطقنا العفن أكبر بلطجية

بالذل بالسرقة بدنا نشحد من باريس

أموالنا المنهوبة بحسابات سرية

طول ما الإنسان رخيص بدي سقط كل رئيس

حقي الكرامة والعدل غمس خبزتي بحرية


شارك المقال :

التعليقات

التعليقات المنشورة تعبر عن آراء أصحابها