الخميس
2016/12/08
آخر تحديث: 17:48 (بيروت)
بتعرف؟!
الخميس
2016/12/08
لانا حرة يا عمي...
حجم الخط
ـ بتعرف؟!
ـ ما بعرف ولا بدي أعرف
ـ بتعرف؟!
ـ شو؟!
ـ ما رح اقلَّك.
ـ بتعرفي؟!
ـ شووووو؟!
ـ كركبتيني
ـ إيمتى؟!
ـ هلأ
ـ فهمت عليك
ـ إي بس بتعرفي؟!
ـ شو؟!
ـ مو هاد اللي بدي اياكِ تعرفيه
ـ أنو هاد؟!
ـ الكركبة تبعي هلأ
ـ لكان شو؟!
ـ شغلة تانية كنت بدي اقلِّك اياها عنِّك قام لما لقيتك كتير متحمسة تكركبت.
ـ خفت يعني تقولها؟!
ـ إي .. خفت ما تكون على مستوى حماسك
ـ إيوة.. فهمت عليك.. يعني أنا بالغت شوي بالإهتمام.
ـ إي يمكن..
ـ طيب وهلأ بعد ما فهمت عليك شو الموضوع؟!
ـ ولا شي
ـ يعني ما بدك تحكي؟!
ـ مو هون الموضوع
ـ لكان وين؟!
ـ خلص بلاها..
كيفك أنتِ؟!
كيفك أنتِ؟!
ـ منيحة
ـ مبسوطة انشالله!
ـ إي كتير
ـ الحمد لله
ـ وأنت.. كيفك؟!
ـ عادي..
ـ نيالك
ـ ليش؟!
ـ لأنك عادي
ـ مو على أساس أنتِ منيحة؟!
ـ إي بس العادي أحسن من المنيح
ـ مين قال لك؟!
ـ فيها ثقافة أكتر
ـ مع أنو عادي
ـ هون الموضوع
ـ أنو موضوع؟!
ـ أنو العادي صار هو المختلف
ـ النادر قصدك
ـ إي النادر.. بس بهالوقت بيبين مختلف
ـ أنت مختلفة بس
ـ بعرف
ـ ليكِك بتعرفي
ـ إي وشو المشكلة إذا بعرف؟!
ـ لكان ليش سألتيني شوووو لما قلتلك بتعرفي؟!
ـ سألتك أنو شو هو اللي ممكن أعرفه أو ما أعرفه
ـ طيب بتعرفي شو هو؟!
ـ أني ما بعرف أني حلوة!
ـ مع أنك حلوة.. هي صح.. وشو كمان؟!
ـ أني ما بعرف أني ذكية!
ـ مع أنك ذكية كتير.. كمان صح.. وشو كمان؟!
ـ أني أنيقة بدون ما أبذل جهد؟!
ـ مع أنِّكْ فوضوية جداً ههههه
ـ إي بعرفهن هدول
ـ مو ع أساس ما بتعرفيهن؟!
ـ ما عم أحكي عنهن.. عم أحكي عنك.. شو اللي بتعرفه عني ورح تقول لي اياه؟!
ـ بس حزرتيهن كلهن!
ـ بعرفهن من قبل هههههههههههههههه
ـ طيب حدا قال لك أنك بتشبهي الموناليزا؟!
ـ قال لي اياها رسام فاشل
ـ طيب حدا قال لِكْ أنك نسخة عن شارون ستون؟!
ـ قال لي اياها واحد ما بيعرفها لشارون ستون.
ـ طيب حدا قال لك أنك نسخة عن شارون؟!
ـ هاد اللي كان يدعس عالزهور؟!
ـ إي ما غيره.
ـ كلهن قالوها بنهاية اللقاء الحضاري بيناتنا.
ـ عمي الشيخ عمي الشيخ لانا حرة يا عمي
ـ مين لانا يا حمود؟!
ـ والله ما اعرف كنيتها بس شفت نهود وعنود والناشطات جعد يكتبون لانا حرة يا عمي.
ـ وما قالوا مين لانا يا حمود؟!
ـ لا.. بس فهمنا أنها صديقتهن الروح بالروح يا عمي.
ـ أهم شي يا حمود
ـ حبِّيت.. يا عمي.
حجم الخط
تابعنا عبر مواقع التواصل الإجتماعي
إشترك في النشرة الإخبارية ليصلك كل جديد
اشترك معنا في نشرة المدن الدورية لتبقى على اتصال دائم بالحدث
التعليقات
التعليقات المنشورة تعبر عن آراء أصحابها